YAN NIGERIA 18 NE SUKA RASA RANSU A HAJJIN BANA

Hukumar Alhazan Najeriya ta ce kawo yanzu 'yan kasar 18 ne, maza da mata, suka rasu, yayin aikin hajjin bana, a Saudiyya. 

Shugaban hukumar ta alhazai, Abdullahi Mukhtar wanda ya shaida wa BBC hakan, ya ce  sun mutsune sakamakon nau'in cututtuka daban-daban. Sai dai kuma shugaban hukumar ya amince da gazawar shugabannin hukumomin alhazai na jihohi wajen tantance marasa lafiyar. 

Ya kuma ce an fara jigilar alhazan kasar, ranar 17 ga Satumba, a inda jirage uku su ka fara sauka a filin jirgi na babban birnin kasar wato Abuja. 

Malam Abdullahi ya kuma kara da cewa ana sa ran sauran jirage za su fara jigilar alhazan wasu jihohi, ranar 18 ga Satumba. Shugaban na Hukumar Alhazan ya ce bana alhazan Najeriya ba za su zama kurar baya ba wajen jigila ba. 

Dangane kuma da kayan alhazai, Mukhtar ya ce a bana karamar jaka daya tal aka yarjewa kowane alhaji shiga da ita jirgi. Sannan kuma ba a yarda nauyin babbar jaka ya wuce kilo takwas ba.