TA INA TALAKA KE ANFANA DA GWAMNATI MUSAMMAN MA WANDA BAIYI KARATUN ZAMANI BA? Malam Mansur

Idan mukayi la'akari da irin yadda kasar nan ke wofantar da al'amarin daya shafi walwala da jindadin talakawanta musamman ma wadanda basu samu damar yin karatun zamani ba. Abin, abin a tausaya ne a kuma Waiwayo domin tallafama wannan bangare dan koba komai dai suma yan'kasa ne, suna da hakkoki akan gwamnatocin kananan hukumomi, jihohi da kuma tarayya.

Akan karbi haraji daga hannun su amma su babu ta inda suke amfana Ko shakka babu Waiwayo abinda ya shafi ilimi da makomar talaka mara galihu abune daya zama wajibi akan gwamnatoci na APC su duba wannan lamari da idon basira da kuma hangen nesa, domin wadannan mutane suna bada gudunmowa da dama da suka hada da: samar da abinci ga al'umma, samar da kudaden shiga ga gwamnatoci, da kuma samar da tsaro a iyakokin kasa, gunduma ko shiyya.

Amma abin mamaki duk da wannan irin namijin kokari da suke yi babu wani tsari daga cikin tsare-tsaren gwamnatoci da akeyi domin su ko ake shiryawa domin su saidai kawai ayita fada a baki za'ayi ko kuwa anyi amma a zahiri babu wani abu da mazauna yankunan karkara ke amfana dashi daga bangaren gwamnatoci.

Amma da ance lokacin zabe yayi to sannan ne zasu cigaba da ganin bakin fuska iri-iri dukkan su kuma da maganganu da alkawurra iri-iri badai komai ba sai don asamu kuri'asu Meyasa babu wani tanadi na musamman da zai tallafama wadanda basuyi karatun zamani ba?

Duk wani tsari na gwamnatoci zaka iske an kirkireshi ne kawai domin wadanda sukayi karatun zamani, Anan ko shakka babu ina zargin gwamnatoci da hana wadanda basu samu damar yin karatun zamani ba damar daya kamata su samu a matsayinsu na yan'kasa bayan wasun su nada matukar fasaha ta fannoni da dama Mutanen karkara musamman wadanda basu samu damar yin karatun zamani ba ba'a daukar su da muhimmanci ta fuskar ilimin su, tsaron su da kuma makomar su a rayuwa.ko shakka babu cigaba da tafiyar da al'umma a haka bazai haifar da da' mai ido ba.

WAI SHIN TA INA TALAKA KE AMFANA DA GWAMNATOCI MUSAMMAN MA MAZAUNA YANKUNAN KARKARA WADANDA BASU SAMU DAMAR YIN KARATUN ZAMANI BA?