Rahotannin da suke
yawo a yanzu musamman a kafar sadarwa ta soshiyal mildiya shi ne ana kokarin yi
wa shugaban riko na Jam’iyyar APC Malam Shitu S. Shitu kora da hali wanda masu
iya magana suka ce ya fi kora da kara. Ya zuwa yanzu dai hotanan tsohon mataimakin
kakakin majalisar dokokin jihar Katsina, Honarabil Bilyaminu Rimi ake ta yadawa
ana yi masa murnar samun shugabancin jam’iyyar APC na riko a jihar Katsina.
Sai
dai ba tare da bata lokaci ba, wasu daga cikin magoya bayan shugaban riko mai
ci yanzu, suka fara maida martani da cewa wannan labarin kanzon kurege ne babu
gaskiya acikinsa. Haka kuma sun alakanta wannan labari da cewa ‘yan adawa suke
kunno wannan wutar saboda jin haushin ficewar Honarabul Bilyaminu Rimi daga
jam’iyyar PDP a watan da ya gabata.
Da ma dai ana ta sokar shugabancin
jam’iyyar APC daga ciki da wajanta saboda abinda wasu suka bayyana cewa
jam’iyyar babu shugabanci, mutun daya rak ke wasa da akn macijin, shi yasan
halin da take ciki, ya kuma hana kowa matsawa kusa, hatta su kansu ‘yan jam’iyyar
sun koma saniyar ware Kazalika an yi zargin cewa ko dai masaniyar gwamna Aminu
Bello Masari wannan al’amari ke tafiya a haka kuma ana yi masa baluluba, inda
da yawan lokuta jam’iyyar ta kan yi burus da duk wani kalubale na ‘yan adawa,
su kan kasa maida martani, sai dai su zuba na mujiya ana yi wa jam’iyyar cin
kashi, ta hanyar kafar sadarawa ta zaman.
Yanzu haka babban ofishin jam’iyyar
APC da ke Katsina ana yi masa kirari da ‘’gidan mantuwa’’ kuma ‘ya ‘yan
jam’iyyar APC na halsa ne suke fadin haka sakamakon yadda kowa ya kama gabansa
ya kyalesu suna zaman jiran tsammani, kuma idan ka ga wani a wajan sai da
babban dalili. Wabi abun ya kara fusata magoya bayan jam’iyyar APC a jihar
Katsina shi ne rashin yin aikin da ya rataya akan jam’iyyar APC a jihar Katsina
ya samar da bullar kungiyoyi da suka nuna sha’awarsu ta taimawa gwamna Masari a
zabe mai zuwa inda yanzu ake da kungiyoyi da suka kai dubu daya.
To amma kwatsam sai shugaban riko na
jam’iyyar APC Malam Shitu Maslaha ya ce a matsayinsu na jam’iyyar ba su san
kowace kungiya ba, sai wata kwara daya mai suna Masariya da wani tsohon da
jam’iyyar PDM ya kirkira domin cimma manufar siyasa. Wadannan na daga cikin
dalillan da wasu ke ganin an kyauta in dai har aka baiwa Honorabul Bilyaminu
Rimi shubancin jam’iyyar, domin ko ba komi zabe ke tafe kuma ana bukatar
wadanda za su kai jam’iyyar ta APC tudun mun tsira a zabe mai zuwa.
Wannan ma
ya kara tabbatar da zargin da wasu ke yi na cewar ko dai gwamna Aminu Bello ya
ga ji yawan koke akan shugabancin wannan jam’iyya ko kuma ana son yi wa
shugaban riko na APC kora da hali domin ya je ya fuskanci sana’arsa tunda daman
ba zaman kashe wando yake ba. A lokacin da na tuntubi wani na kusa da Honorabu
Bilya Rimi domin jin ina wannan magana ta ta so, cewa gaskiya suna sa ran haka
amma dai har yanzu bata tabbata ba, ‘’ sannan ya kara da cewa akwai maganar
amma dai yanzu ba a kai ga bada sanarwa ba, kuma muna da kyakkyawar fatan cewa
shi za a ba rikon jam’iyyar’’ in ji shi.
A bangaran shugabn riko na jam’iyyar
APC a jihar Katsina Malam Shitu S. Shitu cewa ya yi, yanzu da nake maganar nan
da ke gamu tare da sauran shuwagabannin jam’iyyar muna tattauna yadda za mu kai
ziyara ga shugaban kasa Muhammadu Buhari a yau litinin kuma nine nake
shugabantar tafiyar, domin nuna goyan bayanmu da sauran batutuwa’’ in ji shi.
Sannan maganar cewa an baiwa
Biliya Rimi shugabanci jam’iyya, shi kanshi Biliyan din ya kirani ya kuma da mu
so sai da jin wannan magana amma dai ya fada masu ko su wanene suka shirya
wannan cin fuskar da yarfan siyasar. Acewarsa Biliyan sai ranar 25 ga wannan
watan sannan jam’iyyar zata amshe shi kamar yadda ka’ida ta nuna sannan zai
zama cikakken dan jam’iyyar, wanda daga nan ne zai iya shiga neman takarar
shugabancin jam’iyyar tunda anan gaba kadan za a yi zaban sabbin shuwagabanni.
Alhaji Shitu S. Shitu ya ce, idan har aka yi la’akari da abinda jama’a ke fada an
sabawa kudin tsarin mulkin jam’iyya kuma idan ba a manta ba, gwamna shi ne
shugaban jam’iyya a jaha, wannan ya nuna cewa wancan magana ta Biliya akwai
tasgaro a cikinta.
Asalin Labari : Leadership Hausa
No comments:
Post a Comment