An Tsinci Jariri a Cikin Bula Da Ke Unguwar Daki Tara a Garin Katsina

A yau Alhamis a unguwar Daki Tara aka tsinci wani dan jariri sabon haihuwa a cikin wata bula da ke kusa da bakin titi a cikin kwali kunshe a kwance.

Cliqqmagazinehausa.blogspot.com ta isa wajen inda ta gane wa idon ta wannan abun kyama da ban mamaki. Yara Almajirai, Yan mata manya da yara duka sun zagaye wannan yaro ana ta kallon shi da yin wadarai ga duk wanda ya aikata wannan abu.

Lafiyar yaron shine ba tabbas, shin yana da rai shima ba tabbas domin ga yadda aka samu jaririn ana tunani an shire masa rai wajen zubar da cikin.

Wannan ya faru a lokacin azumi, lokacin da ake su jama’a su da ge wajen yin bauta da neman gafara amma duk da haka an samu wasu fitsararru da suka aikata wannan mummunan aiki.

Da wakilin mu ya tambayi mutanen unguwar, sun shaida mashi da cewa su sun tashi safiyar yau suka ga wannan abu batanci.

Allah ubangiji ya fallasa asirin wadan da suka aikata wannan ta’asa.