Karanta "Courses" Na Degree Da "Isa Kaita Colege Of Education" Katsina Zasu Fara Yi.

Makarantar College na koyan ilimin Karatu watau “Isa Kaita College Of Education” dake Dutsinman, Katsina ta amince hadin guiwa (MOU) da jami’ar Ahmadu Bello University Zaria wajen tsarin tafiyar da salon karatu na degree da Isa Kaita College zata fara.

A na shi bayanin, shugan Makarantar “Isa Kaita college of Education” Maigari Audu ya nuna jin dadin sa bisa yadda Jami’ar A.B.U Zaria ta amince don kaddamar da sashen bada ilimi na Degree a Isa Kaita amma a karkashin kulawar ita jami’ar A.B.U dake Zaria.

Wakilin “Vice Chancellor” na jami’ar Ahmadu Bello University zaria Ibrahim Sule ya baiyana sun yi amfani da sakamakon bincike da “NUC” da kuma binciken da masana ilimi suka  gudanar akan cancantar “Isa Kaita College Of Education” wajen fara bada ilimi da certificate na Degree.

Ya kuma kara da cewa jami’ar A.B.U Zaria ta kammala shirye shirye domin fara bada horu ga Mallaman “Isa Kaita College Of Education” domin zai inganta kimar ilimin da dalibai zasu samu.

Daga Karshe Kungiyar “NUC” ta amince da “Isa Kaita College of Education” da ta fara da darrusa (courses) kamar haka;

BSC Ed (chemistry, physics, biology, computer science, agricultural science, Islamic studies da kuma hausa language).