Karanta Yadda Shugaban 'Yan Niger-Delta Charles Okah Yayi Kafafu Daga Gidan Yari

A daren jiya ne shugaban nan na ‘yan Niger-Delta Charles Okah wanda ya ke kulle a Gidan yari na Kuje da ke Abuja a dalilin saka bomb da aka yi a ranar murnar samun ‘yanci na kasa a nan Abuja a shekara ta 2010, wanda mutum 27 ne su ka rasa rayukansu dalilin wannan ta’asa.

Charles Okah kani ne ga Henry Okah, Ga yadda jaridar Sahara Reporters ta baiyana cewa “ Wakilinta ya samu labarin da ga wani ma’aikacin Gidan yarin ne. a inda yace masa Charles Okah ya daga tsalle misalin karfe 7:30pm ta Katanga Gidan yarin da ke nan Kuje, Abuja".

Kafin ya aikata wannan ta’asa, ma’aikatan Gidan yarin sun ganshi ne tare da wani abokin zaman shi a nan cikin Gidan yarin, wanda daga nan ba a sa ke ganin shi ba.

Abun tambaya a nan shine? Duk tsayon girman katangar gidan yari ta ya ya zai samu abin da zai taka ya daka tsalle domin hawar wannan Katanga? Koko a wajen katangar babu masu tsoron gadi ko da ta baci irin haka wadda ta faru? Shin koko dai ma hadda hadin masu tsaron wurin?

To, wannan dai idan ta yi tsami za mu ji duk yadda abun ya kaya. Amma dai tuni 'yan sanda da sauran jami’an tsaro su dukufa wajen binciken gano shi watau Charles Okah.